आदर्श कुमार मण्डल
जसले मधेश आन्दोलनमा छोरा गुमाए, जसले आफ्नो श्रीमान् गुमाए र जसले आफ्नो बुबा गुमाए । उ सहिद परिवारको कोही पनि सांसद छैन । कोही पनि उसको परिवारको मेयर छैन । वडा अध्यक्ष, वडा सदस्य पनि कतै छैन । न कतै सरकारी जागिरमा पनि छैन । जसले आफ्नो सन्तान गुमाए त्यसको परिवारलाई केही मिलेन तर उसकै सन्तानको नाम भजाएर मधेशवादी दलहरु सत्तावादी कहलाए र पटकपटक मन्त्री भए । पटकपटक सरकार चलाए तब पनि न सहिद परिवारलाई ५० लाख दिन्छु भनेको कुरा भाषण मै सिमित भयो र अहिलेसम्म केहूी पनि दिलाउन सकेको छैन । केन्द्रदेखि मधेश प्रदेशसम्म आफ्नो आफ्नोलाई मधेशवादी दल कहलाउनेहरु पटक-पटक सरकार चलाए अहिले पनि सरकारमा हुँदा तब पनि सहिद परिवारको उपलब्ध शून्य छ ।
अरु सबै दिन संविधानबाट पाएको तलब भत्ता-सत्ता सबै राम्रो तर अचानक असोज ३ गते संविधान कालो भइहाल्ने गर्छ । जसले मधेश आन्दोलनमा छोरा गुमाए, जसले आफ्नो श्रीमान् गुमाए, जसले आफ्नो बुबा गुमाए उसको परिवारले कसैले केही दिएनन् तर असोज ३ गते बाहेक हरेक दिन काठमाडौंको सिंहदरबारमा नाम मधेशवादी दल लेखिएको हुन्छ र मन्त्री बन्न जाँदा पहाडको दौरा–सुरुवाल लगाएर शपथ लिइन्छ । मन्त्रालय पाएपछि विमानस्थलमा आइन्छ ५० किलोको माला लगाईन्छ । जबसम्म मन्त्रीको दौरा-सुरुवाल लगाएको हुन्छ तबसम्म मन्त्रालय रहिरहन्छ, जहाँ धोती कुर्तामा मन्त्री आउने थालेपछि मन्त्रीलाई मन्त्रालयबाट धक्का मारिन्छ । तब पनि मधेशवादी दल सिंहदरबार अगाडी मन्त्रालय पाउने लोभमा चौबिसै घण्टा पार्टीका नेता कहाँ घुमफिर गरिरहन्छ त्यो बाहेक केही छैन ।
मधेश आन्दोलन छोरा गुमाउनेहरु सहिदहरुको बुबा, छोराछोरी, श्रीमती सबै गाउँको गाउँमै छ र त्यहीँ सहिदको नाम बेचेर मधेशवादी दलका नेता आफैं विदेश घुमे र छोराछोरीलाई पनि विदेशमा पढ्ने व्यवस्था गरी राखिदिएको छ । सहिद परिवारको नाम भजाएर सांसद बनेकाहरुको छोराछोरी, सालोसाली, भतिजा, भतिजी सबैलाई रोजगारी छ तर सहिद परिवारलाई अहिलेसम्म केही मिलेन ।
नेपालमा मधेशी पार्टीको दल होइन मधेसको नाममा दलाली गर्ने लागि खोलिएको संस्था हुन् । मधेशको नाम बेचेर आफ्नो स्वार्थ पूरा गर्न मधेसीवादी पार्टीका नेताहरुले गरेका छन् । मधेश पार्टी हो भनेर मधेसको जनतालाई भ्रममा पारेर आफ्नो खुर्सी सुरक्षित हुन लगायत सबै मधेसी जनताको मुद्घा बिर्सने गर्छ र कुर्सी हट्ने बित्तिकै मधेशवादी दललाई सहिद र असोज ३ गते कालो दिन याद आउन थाल्छ । संविधानबाट पाउने तलब भत्ता सब सेतो हुन्छ र कुर्सी असुरक्षित हुन लाग्दा अचानक संविधान कालो हुन्छ ।
खोइ त केही उपलब्धि मधेशी जनतालाई भयो त उपलब्धि भयो मधेशी आफ्नो-आफ्नो लाई कहालाउने नेतालाई भएको हो ।
मधेशी नेताले देशसँग राजनीति खेलेको छैन । मधेसी जनतासँग राजनीति खेलेको छन् । छ महिना मधेस आन्दोलनले गर्दा त उपलब्धि जनतालाई केही भएन । यताको मधेसी पार्टी लाई मात्रै उपलब्धि भएको छ । केन्द्र सरकारको मन्त्रालय र मधेश प्रदेश मन्त्रालयमा बस्ने मधेशवादी दलको नेताहरुको बस्ने सपना पूरा भयो तर मधेसी जनताको केही पनि सपना पूरा भएन ।
छ महिना मधेश आन्दोलनले फाइदा जनतालाई भएन मधेशी नेतालाई भएको छ । मन्त्रालयको गाडीमा आरामले घुम्ने गर्छन् तर जो जो सहिद भएको छ उसको नाम अनि आमजनता बिर्ससकेका छ्न । न हक दिलाउने सके मधेशी पार्टीको नेताहरुल मधेशी जनताको । तर, आफूलाई ठूलो -ठूलो घर र पैसा कमाउने सफल भयो तर सहिद परिवारले आफ्नो कमाउने गरेको सर्वविदितै छ ।
मधेशवादी दलहरुसँग मेरो प्रश्न
१. सहिद परिवारलाई ५० लाख कहिले मिल्छ ?
२. सहिद परिवारका व्यक्तिलाई कुन ठाउँमा मेयर, वडा अध्यक्ष, सांसद बनाउनु भएको छ ?
३. सहिद परिवारका कति जनालाई रोजगारी दिनुभएको छ ?
४. सहिद परिवारको नाम के के बनाइदिनुु भएको छ ?
५. सहिद परिवारको छोराछोरी कुन खालेको विधालयमा पढ्छन् थाहा छ ?
६. असोज ३ गते संविधान कालो र त्यो बाहेकको सबै दिन सेतो हुने हो ?
७.कुर्सी असुरक्षित हुदा संविधान कालो हुने र कुर्सी सुरक्षित हुँदा संविधान राम्रो मानेर मधेशी जनतालाई कहिले सम्म ठग्नुहुन्छ ?
(लेखक केन्द्रीय सदस्य,अनेरास्ववियु तथा राजर्षी जनक विश्वविद्यालय कानून अध्ययनरत विद्यार्थी हुन् ।)
