बारा । बाराको जितपुर–सिमरा क्षेत्रमा ३ वर्षीया गरिमा चौधरीको बलात्कारपछि हत्या भएको घटनामा प्रहरीले थप एक जनालाई पक्राउ गरेको छ।
पक्राउ पर्नेमा जितपुर–सिमरा उपमहानगरपालिका निवासी विद्यार्थी प्रदीप खड्का रहेका छन्। प्रहरीले घटनाको अनुसन्धानका क्रममा खड्कासहित हालसम्म ९ जनालाई नियन्त्रणमा लिएको जिल्ला प्रहरी कार्यालय बाराका डीएसपी मीनबहादुर घलेले जानकारी दिए।
गरिमा भदौ २ गते जितपुर–सिमरा उपमहानगरपालिका–१ मा मृत अवस्थामा फेला परेकी थिइन्। उनी घरबाट हराएको तीन दिनपछि मृत भेटिएकी हुन्।
प्रहरीको प्रारम्भिक अनुसन्धानबाट गरिमाको बलात्कारपछि हत्या भएको निष्कर्ष निकालिएको छ। घटनामा संलग्न अन्य व्यक्तिहरूबारे समेत अनुसन्धान भइरहेको प्रहरीले जनाएको छ।
प्रहरीका अनुसार पक्राउ परेका खड्का विद्यार्थी हुन्। घटनामा उनको संलग्नताबारे थप अनुसन्धान भइरहेको छ।
