हेटौंडा/बाराको जितपुर सिमरा उपमहानगरपालिका–१ मा तीन वर्षीया बालिका गरिमा चौधरीको हत्या भएपछि आक्रोशित स्थानीय सडकमा उत्रिएका छन् । बालिकाको हत्या भएको घटनामा संलग्नलाई कडा कारबाही गरी न्याय दिलाउन माग गर्दै स्थानीयले बिहीबार विहान त्रिभुवन राजमार्ग अवरुद्ध गरेर प्रदर्शन गरेका हुन् ।
बालिकाको हत्या भएपछि घटनाले स्थानीय क्षेत्रमा त्रास र आक्रोश सिर्जना गरेको छ । घटनाको निष्पक्ष अनुसन्धान गरी दोषीलाई तत्काल पक्राउ गर्नुपर्ने माग गर्दै स्थानीयले सडकमा प्रदर्शन गरेका छन् । प्रदर्शनका कारण त्रिभुवन राजमार्गमा सवारी आवागमन प्रभावित भएको छ । स्थानीयले बालिकाको परिवारलाई न्यायको अनुभूति हुने गरी घटनामा संलग्न व्यक्तिमाथि कडा कानुनी कारबाही हुनुपर्ने माग गरेका छन् ।
प्रदर्शनमा सहभागी स्थानीयले बालिकाको हत्या जस्तो गम्भीर घटनामा अनुसन्धानमा कुनै कमजोरी हुन नहुने बताएका छन् । उनीहरुले दोषीलाई कानुनी दायरामा ल्याएर कडा कारबाही गर्न प्रहरी तथा प्रशासनस“ग माग गरेका छन् । घटनापछि स्थानीय प्रशासन तथा सुरक्षा निकायले घटनाको अनुसन्धान अघि बढाएको छ । बालिकाको हत्या घटनाबारे थप अनुसन्धान तथा घटनाको वास्तविक कारण र संलग्न व्यक्तिबारे प्रहरीले थप विवरण सार्वजनिक गर्ने अपेक्षा गरिएको छ ।
